Kushtet e Përdorimit

1. Kush mund ta përdorë Even8-in

Even8 mund të përdoret nga persona 13 vjeç e sipër. Duke u regjistruar, ti konfirmon që plotëson këtë kusht dhe që informacioni që jep (emri, email-i, data e lindjes, etj.) është i saktë.

2. Llogaria jote

Je përgjegjës për ruajtjen e fjalëkalimit dhe për çdo veprim që ndodh nën llogarinë tënde. Na njofto menjëherë te support@even8.app nëse dyshon për përdorim të paautorizuar.

3. Si funksionon Even8

Even8 të ndihmon të zbulosh evente pranë teje dhe ofron veçori shtesë si sistemi i pikëve/badge-ve, Rrota e Fatit, loja "Gjej Numrin", dhe kuponë nga biznese partnere. Këto veçori mund të ndryshojnë, të shtohen ose të hiqen me kalimin e kohës, sipas gjykimit tonë.

4. Pikët, Diamantet dhe Shpërblimet

Pikët, badge-t dhe diamantet e fituara brenda Even8-it nuk kanë vlerë monetare, nuk mund të shkëmbehen me para dhe nuk janë pronë e transferueshme. Ne mund t'i rregullojmë, kufizojmë ose fshijmë sipas gjykimit tonë (p.sh. në rast abuzimi), duke njoftuar userin kur është e mundur.

5. Kuponët dhe Bizneset Partnere

Kuponët e ofruar nga biznese partnere u nënshtrohen kushteve specifike të secilit biznes (vlefshmëria, kufizimet). Even8 e lehtëson shpërndarjen dhe validimin e kuponëve, por nuk është përgjegjëse për cilësinë e produkteve/shërbimeve të ofruara nga bizneset partnere.

6. Sjellja e ndaluar

Nuk lejohet: krijimi i llogarive false, manipulimi i sistemit të pikëve/lojërave (bots, shumë-llogari), ngacmimi i userave të tjerë, ngarkimi i përmbajtjeje të paligjshme ose fyese, apo çdo përpjekje për të dëmtuar/keqpërdorur shërbimin.

7. Përmbajtja jote

Kur ngarkon një foto profili ose shkruan një vlerësim eventi, na jep një licencë jo-ekskluzive për ta shfaqur atë brenda shërbimit. Je përgjegjës që përmbajtja jote të mos shkelë të drejtat e të tjerëve. Ne mund të heqim përmbajtje që shkel këto Kushte.

8. Ndryshimet dhe ndërprerja

Mund t'i ndryshojmë këto Kushte herë pas here — versioni i përditësuar publikohet në këtë faqe. Mund të pezullojmë ose fshijmë një llogari që shkel Kushtet. Ti mund ta fshish llogarinë tënde në çdo kohë nga brenda aplikacionit.

9. Kufizimi i përgjegjësisë

Even8 ofrohet "siç është". Në masën maksimale të lejuar nga ligji, nuk garantojmë funksionim pa ndërprerje dhe nuk mbajmë përgjegjësi për dëme indirekte që rrjedhin nga përdorimi i shërbimit.

10. Ligji i zbatueshëm

Këto Kushte rregullohen nga ligji i Republikës së Shqipërisë.

11. Na kontakto

Për pyetje rreth këtyre Kushteve, na shkruaj te support@even8.app.